Departamenti i Analizës, Inovacionit dhe Skautizmit ka bërë një vëzhgim në kampionatin tonë përsa i përket lojtarëve që kanë tentuar të driblojnë në 90 minuta. Për ta bërë këtë gjë sigurisht duhet fantazi, por mbi të gjitha kurajo për tu përballur me kundërshtarin.
Vendin e parë e mban Mentor Mazrekaj. Futbollisti i Laçit është lojtari që ka tentuar më shumë të dribojë me një mesatare 7.78 për një ndeshje. Jo më kot Laçi po zhvillon një kampionat fantastik, pasi përveç lojës së grupit duhen dhe aftësi të mira individuale për të kapur majën.
Vendin e dytë e mban futbollisti i Vllaznisë, Liridon Latifi me 7,06. Shkodranët kanë lënë shumë pikë, por loja e bukur nuk ka munguar dhe Latifi ka qenë pjesë e spektaklit që ka dhuruar skuadra e tij. Top-dhjetëshën e përmbyll Ademi i Egnatias me 4.55.
