Situata vazhdon të jetë shumë e rëndë në Ukrainë, me Rusinë që nuk heq dorë nga sulmet me synimin që ta pushtojë.
Kjo situatë e rënduar, përpos aspektit politik dhe atij human, ka ndikuar edhe në sport, ku kampionati ukrainas është ndërprerë, teksa me shumë gjasa finalja e Ligës së Kampionëve që është planifikuar të zhvillohet në “St.Petersburg” do ndryshojë destinacion.
Së fundmi ka reaguar edhe presidenti i FIFA-s, Xhani Infantino, i cili shpreson që të ndërpritet sa më shpejtë kjo armiqësi. “Si të gjithë, këtë mëngjes u zgjuam dhe të tronditur nga ajo që pamë, shumë të shqetësuar për situatën. FIFA shpreson për një ndërprerje të shpejtë të armiqësive dhe për paqen në Ukrainë”, deklaroi ai.
