Denzel Dumfris është rikthyer në një nga lojtarët kryesorë të Interit në këtë sezon.
Holandezi i ardhur nga PSV Eindhoveni për vetëm 12.5 milionë euro në merkaton e verës, e ka rritur shumë vlerën e kartonit të tij me paraqitjet e bëra me fanellën zikaltër, aq sa ka rrëmbyer vëmendjen e shumë klubeve elitare europiane.
Në ndjekje të tij janë vendosur Antonio Konte me Totenhemin e tij dhe Bajern Mynihu të cilët shohin te 25-vjeçari përforcimin ideal për krahun e djathtë.
Vlera e kartonit të Dumfrisit llogaritet momentalisht nga 30-35 milionë euro dhe ajo që duhet thënë është që Interi nuk do të qëndronte indiferent ndaj një oferte që prek këto shifra.
