Milani arriti të fitonte ndaj Juventusit pasditen e djeshme me rezultatin 2-0, në stadiumin “San Siro”, e vlefshme për javën e 8-të të Serisë A italiane.
Golat për kampionët aktualë të Italisë u shënuan nga Fikajo Tomori në minutën 45+1′ dhe nga Brahim Diaz në minutën e 54′.
Në stadiumin mitik “San Siro” ishte dhe gazetarja e njohur sportive e “OverSport”, Sindi Marina, e cila ishte duke përcjellë çdo emocion dhe moment që po ndodhte në afërsi të fushës së blertë.
Së fundmi, Sindi Marina ka postuar një foto në profilin e saj të rrjetit social “Instagram” me një ndër gazetaret më të njohura të momentit përtej Adriatikut, me Dileta Leotën, e cila është gazetare e “DAZN Italia”.
Marina ka postuar një foto me Leotën me mbishkrimin: “Një nga pjesët më argëtuese të punës time është të takoj miqtë dhe koleget gjatë ndeshjeve. Në ‘San Siro’ për Milan-Juventus.”, shkroi Sindi Marina.
