Barcelona-Inter do të jetë supersfida e mbrëmjes e së mërkurës në Champions, e cila do të zhvillohet në stadiumin “Camp Nou”, në orën 21:00, e vlefshme për ndeshjen e katërt të fazës së grupeve.
Sektori i dizenjimit të arbitrave në UEFA ka vendosur se cilët do të drejtojnë këtë duel të rëndësishëm.
5 arbitra do të jenë nga Polonia dhe vetëm një do të jetë anglez.
Kryesor do të jetë Szimon Marciniak, i mbështetur nga asistentët Pavel Sokolniçki dhe Tomas Listkievic.
Arbitër i katërt do të jetë Tomas Musial.
Në VAR pritet të jetë Tomas Kviatkovski, ndërsa në AVAR do të jetë britaniku Stjuart Artvell.
Sakaq ndeshja e kaluar mes këtyre dy skuadrave përfundoi me fitoren e Interit në shifrat minimale 1-0 në stadiumin “Giuseppe Meazza” me autor Hakan Çalhanollu.