Ardhja e Kristiano Ronaldos në Al Nasr të Arabisë Saudite ka bërë bujë në vend dhe pritja spektakolare që iu bë portugezit e dëshmon këtë.
Efekti CR7
Nënshkrimi i numrit 7 ka kthyer vëmendjen e mijëra fansave drejt Arabisë, gjë që dëshmon edhe fakti se kur Al Nassr njoftoi nënshkrimin e Kristianos, numri i ndjekësve në llogarinë e tij në Instagram ka arritur në mbi 10 milionë.
Për më tepër, prezantimi zyrtar i sulmuesit me klubin e tij të ri u shikua në mbarë globin dhe pati më shumë shikime se finalja e Kupës së Botës mes Francës dhe Argjentinës.
Sa njerëz e panë prezantimin e CR7?
Gazetari Pedro Sepuleda tha se ceremonia e prezantimit të Kristiano Ronaldos në Al Nasr arriti “3 miliardë shikime në 40 kanale në mbarë botën”.
Kjo shifër ka tejkaluar numrin e shikimeve në të njëjtat 40 kanale ku u transmetua finalja e Kupës së Botës në Katar midis Francës dhe Argjentinës, ku skuadra e Messit fitoi titullin.
Pse po shtyhet debutimi i Ronaldos në Al Nassr?
Edhe pse ylli portugez u largua nga Mançester Junajtid, ai nuk i shpëtoi një sanksioni të vendosur nga Federata Angleze e Futbollit (FA) dhe duhet të paguajë një dënim me dy ndeshje për thyerjen e telefonit të një tifozi të Evertonit.
Sipas gazetës britanike “Daily Mail”, neni 12.1 i Rregullores së FIFA-s për Statusin dhe Transferimin e Lojtarëve thotë se Kristiano duhet të përmbushë dënimin që i është dhënë në Premier League, edhe pse ka ndryshuar kontinent.
