Kapiteni i Barcelonës, Serxhio Buskets, (34 vjeç) është ende në pritje të ofertës së klubit për rinovimin, pasi kontrata e tij përfundon më 30 qershor.
Një takim i klubit me agjentin e tij, Josep Maria Orobitg, është shtyrë për javën e ardhshme. Presidenti Laporta ka siguruar se do të ketë një ofertë për kapitenin, teksa mendohet se ajo do të jetë për një vit.
Gjithsesi, për kapitenin e Barcelonës janë hapur dhe skenarë të tjerë. Prej kohësh për të flitet për një kalim në kampionatin amerikan, teksa në orët e fundit në lojë është përfshirë dhe një klub nga Katari.
