Merr fund pritja. Milan ka zyrtarizuar së fundmi mesfushorin me origjinë shqiptare, Ardon Jashari.
Ka qenë klubi kuqezi që ka bërë publik lajmin, nëpërmjet një postimi në rrjetet sociale.
AC Milan komunikon se ka blerë në mënyrë përfundimtare të drejtat sportive të lojtarit Ardon Jashari nga Club Brugge.
Mesfushori ka nënshkruar një kontratë me klubin kuqezi deri më 30 qershor 2030.”
Jashari spikati me Brugge në edicionin e vetëm që luajti në Belgjikë, teksa në 35 sfida, realizoi 3 gola dhe dhuroi 4 asiste.
Transferimi i tij në Milano ishte kërkesë e Allegrit, ndërsa tratativat u finalizuan me sukses falë këmbënguljes së Igli Tares.
