Mirlind Daku rezultoi i vetmi element pozitiv në humbjen e rëndë që Rubin Kazan rregjistroi këtë fundjavë në kampionatin rus. Sulmuesi i kombëtares shqiptare realizoi golin e vetëm në humbjen 5-1 kundër CSKA-së së Moskës. Goli i 27-vjeçarit erdhi në pjesën e parë kur rezultati ishte 3-0.
Ndonëse humbja la shije të hidhur Daku po shënon me ritëm të frikshëm në fillimin e kampionatit rus. Kjo ishte ndeshja e tretë radhazi që shqiptari gjen rrugën e rrjetës, ndërsa në total është goli i katërt në katër javë kampionat.
