Marrëveshja më e fundit e Barcelonës me Republikën Demokratike të Kongos (RDK) formalizon një bashkëpunim me një qeveri në formën e sponsorizimit.
Kontrata do të zgjasë për katër vitet e ardhshme, për një shumë totale prej 40 milionë eurosh. Qëllimi është i qartë: të zgjerohet imazhi i Republikës Demokratike të Kongos përmes futbollit. Ky trend është përdorur nga qeveri të ndryshme për të fituar vizibilitet më të madh përmes librezave të çeqeve, si një mënyrë për të promovuar turizmin në vendet që përfaqësojnë. Barcelona nuk është e para që pranon një marrëveshje të kësaj natyre. Vetë Republika Demokratike e Kongos ka kontrata sponsorizimi me klube të tjera evropiane, përfshirë AS Monako në Francë dhe Milanin në Itali. Kjo rritje financiare përkthehet në mundësi të ndryshme, të tilla si shfaqja me fanellën zyrtare të ekipit ose uniformën stërvitore. Këto pakte ekonomike, jo rallë janë përballur me kritika të konsiderueshme sociale, veçanërisht pasi ato përfshijnë vende në luftë. Ky paragjykim strategjik pasqyron marketingun e praktikuar nga Ruanda me markën e saj “Rwanda Development Board” që nga viti 2018.
“Visit Rwanda” – Kompania turistike në pronësi të qeverisë së vendit afrikan ka disa marrëveshje sponsorizimi me klube të mëdha futbolli. Atletiko e Madridit nënshkroi një marrëveshje me klubin këtë vit për të shfaqur markën “Visit Rwanda” në veshjet stërvitore dhe gjatë nxehjes të ekipit të parë deri në vitin 2028. Paris SG-ja dhe Arsenali gjithashtu e ruajnë këtë sponsorizim. Në fakt, klubi parizien e ka zgjatur atë deri në vitin 2028. Ky angazhim mund të shihet në mëngët e fanellave të lojtarëve gjatë ndeshjeve zyrtare të Kupës së Botës për Klube. Bajerni i Mynihut, nga ana e tij, nënshkroi një marrëveshje për transmetim televiziv në “Allianz Arena”.
Katari, një hap më lart – Vendi arab ka sponsorizuar klube të mëdha, si Barcelona, për disa vite nëpërmjet kompanive të saj “Visit Qatar” dhe “Qatar Airways”. Paris SG-ja dhe Interi aktualisht kanë marrëveshje me organizatën. Në fakt, skuadra franceze ka rinovuar kontratën e saj deri në vitin 2028, me “Qatar Airways” si sponsorin e saj kryesor. Për më tepër, ajo ka bërë një hap përpara prej disa vitesh, duke sponsorizuar tani jo vetëm ekipet, por edhe institucionet. FIFA dhe UEFA kanë një marrëveshje me vendin e Lindjes së Mesme, me një kontratë deri në vitin 2030 si linja ajrore zyrtare e organizatave.
Emiratet e Bashkuara Arabe – Një vend tjetër që po investon në sponsorizime sportive janë Emiratet e Bashkuara Arabe, me marka si “Visit Dubai”. Në vitin 2011, ajo arriti suksesin e saj më të madh si sponsori kryesor i Realit të Madridit, duke filluar me “Fly Emirates” me seli në Dubai. Ky angazhim mbetet i fortë, për momentin, deri në vitin 2026, pas rinovimit që u bë katër vjet më pare. Përveç kësaj, entiteti mban kontrata sponsorizimi me Milanin, Arsenalin, Benfikën dhe Olimpik Lionin. Në fakt, ajo është përpjekur gjithashtu të lërë gjurmë në disa gara të tilla si “Emirates FA Cup” në Angli. Vendi në Gadishullin Arabik është gjithashtu shtëpia e “Etihad Airways”, me seli në Abu Dhabi. Kjo kompani e fuqishme ka një marrëveshje partneriteti me “City Group”. Mançester Siti dhe Girona, ndër të tjera, e kanë sponsorizimin në fanellat e tyre zyrtare dhe madje edhe në emër të stadiumit të tyre, siç është rasti me “Qytetarët”.
Arabia Saudite – Marka “Visit Saudi” po fillon të fitojë famë edhe në nivel ndërkombëtar. Megjithatë, subjektet kryesore të Arabisë Saudite që kanë fituar terren me klubet e mëdha kanë qenë “Riyadh Air” dhe “Riyadh Season”. Kompania ajrore, në pronësi të Fondit të Investimeve Publike (PIF) të vendit, është sponsori kryesor i Atletikos së Madridit. Kjo marrëveshje siguron një shumë shtesë prej 250 deri në 300 milionë euro gjatë nëntë viteve. “Të kesh emrin tonë në një stadium kaq ikonik do të rrisë njohjen e ‘Riyadh Air’ në të gjithë botën sportive dhe më gjerë”, tha Toni Dagllas, Drejtor Ekzekutiv i “Riyadh Air”. Ndërkohë, “Riyadh Season” ka një marrëveshje me Romën në Itali, ku klubi italian do të marrë 12.5 milionë euro për sezon gjatë dy viteve, sipas burimeve financiare italiane, në vitin 2023. Ndërkohë, vende të tjera po i bashkohen kësaj strategjie sponsorizimi në rritje në futboll. Disa ekipe angleze, si Mançester Junajtid, Liverpul dhe Fulham, kanë gjithashtu marrëveshje me vende si Malta, Maldivet dhe Mongolia, përkatësisht. Ajaks Amsterdam nga ana e tij, nënshkroi një kontratë me Kuraçaon (Curaçao) me të njëjtat qëllime, duke e rinovuar kontratën e saj deri në vitin 2027. Një trend në rritje që Barcelona i bashkohet me marrëveshjen e saj me RD Kongo – “Coeur de l’Afrique” për katër sezonet e ardhshme, me qëllim promovimin e turizmit në vendin afrikan.
44 milionë
euro parashikohet të përfitojë Barcelona në 4 vitet e ardhshme nga marrëveshja e sponsorizimit me qeverinë e Republikës Demokratike të Kongos e nënshkruar vetëm pak ditë më parë.
