Armando Broja me ekipin e tij tashmë e kanë të pashmangshme rënien nga Premier Ligë. Humbja e fundit, 2 me 0 ndaj Brajton, e lë Bërnlin në vendin e parafundit me 12 pikë më pak se Uest Hem që është jashtë zonës së ftohtë.
Trajneri Skot Parker u ankua pas sfidës, pikërisht për inteligjencën artificiale. Dy gola të anuluar për pozicion jashtë loje, mund të kishin ndryshuar fatin e ndeshjes.
“Është VAR dhe dy gola jashtë loje. Të cilët mendoj se ishin një gju dhe një bërryl në të vërtetë, ose një mëngë.
I kam parë përsëri. Sigurisht i dyti, kur e shoh, nuk duket jashtë loje. Por tani jemi në një botë teknologjie. Jemi në një botë të inteligjencës artificiale. Jemi në një botë ku nëse një teknologji kompjuterike ose një robot thotë se jemi ne si njerëz, ne do ta pranojmë këtë dhe thjesht do ta pranojmë sepse kështu është, sepse kështu jemi mësuar. Thjesht ta pranojmë.
Për mua, nuk duket kështu. Por, sigurisht, unë e them këtë. Jam mësuar të them: ‘epo, nëse një robot thotë se është ose ai thotë këtë, atëherë kjo duhet të jetë e vërtetë’”, u shpreh trajneri Skot Parker.
