Kampioni aktual europian është klubi me skuadrën më të vlefshme në botë. Kjo është ajo që tregon studimi i fundit i Observatorit të Futbollit CIES, i cili ka përllogaritur edhe vlerat e futbollistëve. Aktualisht, Kylian Mbappé është lojtari më i kushtueshëm në glob.
Një shifër e saktë nuk është vlerësuar, por, sipas studimit, francezi llogaritet më shumë se 250 milionë euro. Kampioni i botës kryeson listën e një kasti plot me yje (ia vlen të kujtojmë se Neymar ishte lojtari më i shtrenjtë në botë, kur u ble nga PSG për 222 milionë euro nga Barcelona, në vitin 2017).