Sulmuesi i Lyonit, Memphis Depay, ka thënë se do që të jetë lojtari më i mirë në botë, por nuk mund ta arrijë këtë duke qenë te Lyoni.
“Sigurisht, që dua të jem më i miri në botë”, tha Depay për Canal Football Club.
“Dua që të luaj kundër kundër ekipeve të mëdha dhe kundër yjeve të mëdha”.
“Çfarë më mungon që të jem më i miri? Sinqerisht, asgjë sa i përket cilësisë, vetëm konsistenca, dhe kjo nuk është arrogancë”.
“Nuk mund të bëhem më i miri në botë duke qëndruar në Lyon. Lacazette-s iu desh të shkojë te Arsenali që të përparojë”, shtoi mes tjerash holandezi.