Eshtë pasojë logjike e takimit të Diego Simeones dhe Paulo Dybala në Madrid. Thashethemet kanë kërcyer tashmë për ardhjen e argjentinasit tek Atletico Madrid. “Daily Mail” raporton që, në rast se vendimi i Griezmann për ta lënë skuadrën e Atletico, drejtuesit e klubit në fjalë spanjoll do të jenë të gatshëm për të bërë një ofertë prej 120 milionë euro për sulmuesin e Juventusit, më i miri në qarkullim, që “Cholo” do ta dëshironte.
Duket një operacion pothuajse i pamundur, pasi, ndër të tjera, klubi i Madridit ka besim në vazhdimësinë e francezit, pas dëgjimit të fjalës së tij në konferencën për shtyp me kombëtaren, në të cilën tha se nuk kishte parë asnjë arsye për t’u larguar nga skuadra aktuale.
Dybala është, gjithashtu, i paprekshëm për Juven. Bardhezinjtë deri më tani nuk kanë pranuar të negociojnë me fuqitë e mëdha, që kanë treguar interes për lojtarin e tyre referues. Dybala ka shënuar 21 gola dhe ka dhënë 5 asiste deri më tani, këtë sezon. Në moshën 24-vjeçare, ai ka tri sezone në nivelin më të lartë të futbollit italian, por nuk u llogarit nga trajneri Sampaoli për skuadrën kombëtare argjentinase në miqësoret e këtij muaji.
