Sergio Aguero thur elozhe për Lautaro Martinez. Sulmuesi i Manchester City, aktualisht i angazhuar me përfaqësuesen e Argjentinës, gjatë një interviste të dhënë për ‘TyC Sport’ ka folur ndër të tjera edhe për bashkëkombasin e tij, Lautaro Martinez, edhe ai gjithashtu i grumbulluar nga trajneri Sampaoli për takimet miqësore të bardhekaltërve, që do të ndeshen përkatësisht me Italinë dhe Spanjën.
I riu i talentuar, i datëlindjes ’97, aktualisht pjesë e skuadrës së Racing Club de Avellaneda, do të bashkohet me ekipin e Inter në fund të këtij sezoni. “Lautaro është një futbollist i jashtëzakonshëm, do të ketë një të ardhme të madhe te përfaqësuesja argjentinase. Për mua është shumë e vështirë të mendoj se ai luan te Racing”, deklaroi ndër të tjera bomberi i Manchester City, Sergio Aguero.
