Ish-i i Italisë dhe Chelsea, portieri Marco Amelia, ka mbrojtur Antonio Conte, duke deklaruar se disa trajnerë të tjerë në Europë mund të përputhen me rekordin e tij. Duke fituar titullin e Premier League gjatë sezonit të tij të parë në “Stamford Bridge”, Conte u kthye me këmbë në tokë në sezonin aktual, i dyti. “Blues” aktualisht qëndrojnë në vendin e pestë, me pesë pikë larg nga Tottenham, ndërsa ëndrrat e Ligës së Kampionëve përfunduan në 1/8 finale, me humbjen në Barcelonë.
Këto rezultate negative kanë bërë që Conte të jenë nën presion, por Amelia beson se mbajtja e një vendi në krye të Premier League është një detyrë tejet e vështirë: “Premier League është një kampionat shumë konkurrues, niveli i skuadrave më të larta është shumë i lartë.
Antonio e fitoi titullin në vitin e parë, gjë që nuk është e lehtë. Dhe, për ta bërë këtë përsëri, ishte me të vërtetë një sfidë e vështirë, sepse dy ekipet e Manchesterit kanë investuar shumë. Vlera e Conte si një trajner nuk është në pyetje, nuk është rastësi që ai ka shumë admirues në mbarë Europën.
Chelsea është një klub jashtëzakonisht ambicioz dhe pronari Roman Abramovich gjithmonë ka treguar shumë besim tek bashkëpunëtorët e tij më të ngushtë. Mendoj se është ende herët të mendojmë se çfarë do të ndodhë në sezonin e ardhshëm”.
Amelia kaloi një sezon të vetëm te Chelsea (2015-2016), duke e zëvendësuar Asmir Begoviçin dhe duke mos arritur të shfaqej para se të dilte në fund të kontratës së tij. Megjithatë, ai ka kujtime të bukura për kohën e shkurtër në perëndim të Londrës. “Ishte një nga përvojat më të bukura të miat në futboll, një eksperiencë fantastike e jetës.
Stadiumi është i pabesueshëm, atmosfera është gjithnjë festive, njerëzit shkojnë në stadium në minutën e fundit, – shtoi ai. – Pasi kam punuar me Mourinhon, Hiddink dhe stafin e tyre, jam pasuruar në çdo mënyrë. Kam ndarë dhomat e zhveshjes me kampionë si John Terry, Eden Hazard, Thibaut Courtois, Nemanja Matic, Cesc Fabregas, Asmir Begovic, Pedro, Willian, Diego Costa, John Obi Mikel, Gary Cahill, të gjithë djem fantastikë, që menjëherë të bënin të ndiheshe njëri prej tyre, gjithmonë duke treguar respekt të madh, sepse kisha luajtur për Milanin dhe ekipin kombëtar italian. Kam gjetur një klub të nivelit më të lartë, të organizuar në mënyrë të jashtëzakonshme, me një stadium të bukur”.
