Livepool ka nxjerrë një komunikatë për shtyp ku i kërkon ndjesë skuadrës së Manchester City për sulmin e pësuar nga tifozët e Liverpool që sollën dëme në autobusin e kësaj skuadre gjatë udhëtimit për në “Anfield Road”.
Tifozët e Liverpool goditën me gurë, fishekzjarre dhe shishe autobusin e Manchester City jashtë stadiumit duke thyer xhamin e shoferit.
City u detyrua të thërriste policinë dhe të merrte një tjetër autobus të vënë në dispozicion nga UEFA.
Edhe trajneri i Liverpool, Jurgen Klopp, i ka kërkuar ndjesë stafit dhe futbollistëve të Manchester City.
“Absolutisht dhe realisht nuk e kuptoj këtë situatë. Ne kemi bërë të pamundurën që kjo të mos ndodhë. Kemi nevojë për mbështetjen e tifozëve në stadium, veprime të tilla,” – tha gjermani.
