Mbyllet në barazim 1-1 derbi i Madridit mes Real dhe Atletico, me dy gola që u shënuan në harkun e katër minutave në fillimin e pjesës së dytë.
Atletico mbetet në vendin e dytë të La Liga, me katër pikë më shumë se Real i vendit të tretë, por plot 11 pikë pas Barcelonës, që fitoi 3-1 ndaj Leganes, të shtunën në mbrëmje dhe marshon drejt titullit kampion.
Pas pjesës së parë që u mbyll pa gola, Cristiano Ronaldo kaloi në avantazh Real në “Bernabeu”, pas krosimit të Gareth Bale, duke realizuar golin e 23-të në këtë kampionat, gjashtë më pak se golashënuesi më i mirë Lionel Messi.
Por i pabesueshëm është fakti që Ronaldo ka shënuar në të dhjetë ndeshjet e fundit në të gjitha veprimtaritë për një total të pabesueshëm prej 20 golash në këto takime. (24 gola në 13 ndeshjet e fundit).
Gjithsesi, avantazhi i “Los Blancos” zgjati vetëm katër minuta, pasi francezi Antonie Griezmann vuri baraspeshën për të besuarit e Simeone.
Real Madrid nuk arriti të fitojë për herë të pestë radhazi kundër Atletico Madrid në “Bernabeu”, i ndalur edhe nga pritjet e Oblak. Vlen për t’u përmendur se nga 36 goditjet e fundit në kuadratin e Atletico në La Liga, portieri i tyre ka pritur 32…
VIDEO / Dy golat në derbi…
