Në futboll kemi parë përmbysje rezultatesh nga më të ndryshme. Por kur kjo gjë ndodh në një finale, aq më tepër në harkun e pak minutave, këto përmbysje mbeten në histori. Mjafton të kujtojmë që Liverpool arriti të rikuperonte 3 gola në finalen e Champions League kundër Milan-it, duke fituar trofeun.
Ndeshjet e para të çerekfinaleve të Champions League, u mbyllën me dy fitore – të thella – të Liverpulit dhe Barcelonës. Juventusi, Roma dhe Manchester City do të duhet të rikuperojnë 3 gola gjatë 90 minutave, dhe nëse Roma dhe City mund të mbështeten tek publiku vendas, Bardhezinjtë do luajnë në Bernabeu.
Mision i pamundur? Ndoshta po, por këto tre ekipe mund të mbështeten tek disa precedentë që kanë hyrë në histori.
Këto janë përmbysjet më fantastike në Champions League.
Deportivo-Milan 4-0 (2004)
Përmbysja e parë në aspektin kohor përfshin një ekip italian: në vitin 2004 Milan fitoi 4-1 ndeshjen e parë të luajtur në San Siro, dhe ishte me një këmbë në gjysëmfinale.
Në Riazor, në një ndeshje dramatike, Depor triumfon me rezultatin 4-0, duke shënuar në këtë mënyrë një nga përmbysjet më të pabesueshme në historinë e Champions League.
Monaco-Real Madrid 3-1 (2004)
Faza Çerekfinale: në ndeshjen e parë Reali fitoi 4-2 kundër Monakos, por në kthim francezët përmbysin gjithçka me një rezultat të pabesueshëm: 3-1 ku golat u shënuan nga Giuly dhe ish-lojtari i Real, Fernando Morientes.
Chelsea-Napoli 4-1 – (2012)
Një tjetër ekip italian që ka hyrë në histori, është Napoli i Mazzarrit që në 2012, në Stamford Bridge, u mposhtën nga Chelsea. Në San Paolo londinezët, që drejtoheshin nga Villas Boas, mposhten me rezultatin 3-1. Ndeshja e kthimit ju besua Roberto Di Matteos: Rezultati në 90 minuta përfundoi 3-1, ku në kohën shtesë Ivanoviç shënon golin vendimtar.
Barcelona-Milan 4-0 (2013)
Viti 2013: Milani i Allegrit mundi Barcelonën 2-0 në San Siro, me golat e Boateng dhe Muntari, dhe ëndërronte të bënte të njëjtën gjë në Camp Nou, në mënyrë që të kualifikoheshin në çerekfinale. Në ndeshjen e kthimit, megjithatë, spanjollët asgjesuan Milanin me rezultatin 4-0.
Manchester United-Olympiacos 3-0 (2014)
Manchester United i David Moyes, në vitin 2014, rrezikoi shumë pasi humbi 2-0 ndeshjen e parë në Pire. Por, në ndeshjen e kthimit, Djajtë e Kuq arrijnë të përmbysin situatën falë një triplete nga Robin van Persie.
Barcelona-PSG 6-1 – (2017)
Një vit më parë, u realizua përmbysja më epike. Në ndeshjen e parë, PSG shkatërroi Barcelonën me një 4-0 që nuk linte shumë mundësi. Por, në Camp Nou, ndodhi mrekullia, dhe me atë 6-1 që ka hyrë në histori, spanjollët realizuan të pamundurën.
