Trajneri i Sevilla, Vincenzo Montella, nuk ka hequr dorë nga mundësia për të shkruar në gjysmëfinalet e Champions League dhe pavarësisht nga humbja 2-1 në fushën e tyre kundër Bayern, italiani mendon se andaluzianët mund të kualifikohen në Bavari. Në raundin e kaluar të kësaj veprimtarie, Sevilla u kualifikua në saj të një fitoreje 2-1 në fushën e Manchester United.
“Do të luajmë me të njëjtën krenari me të cilën luajtëm në ndeshjen e parë dhe në fushën e Manchester United duke fituar. Në futboll çdo gjë është e mundur dhe unë me futbollistët e mi besojmë ende te kualifikimi. Nëse këtë herë fati do të jetë me ne dhe jo kundra, atëherë mund të fitojmë në Mynih,” – pohoi Montella.
“Në ndeshjen e parë skuadra ime meritonte më shumë dhe pësuam një gol të shmangshëm krejtësisht me kundërsulm, por sidomos në pjesën e parë futbollistët e mi treguan se mund të jetë superior ndaj atyre kundërshtar. Padyshim që kemi përballë një nga ekipet më të forta të Europës, por nëse i mposhtin, edhe ne do të jemi një nga këto ekipe. Rrallë herë ke mundësinë të luash ndeshje të tilla, prandaj duhet të shfrytëzojmë,” – deklaroi trajneri i Sevilla në konferencën për shtyp para ndeshjes.
