Tenisti serb Novak Djokovic ështënrikthyer me fitore në fushë pas një pushimi 3-javor, pas eliminimeve të shpejta në turnetë Masters të Indian Wells dhe Majemit zhvilluar gjatë marsit në Amerikë.
Por sot, ish-numri 1 në botë, ka debutuar me fitore në turneun Masters të Montekarlos, i pari në fushat me dhè për këtë sezon. Një paraqitje e mirë e tenistit serb, që mundi më shumë lehtësi 2-0 (6-0, 6-1) patriotin e tij Dusan Lajovic, duke avancuar më tej.
Një ndeshje që zgjati vetëm 56 minuta e ku epërsia e Djokovic ishte e madhe, duke treguar një formë të mirë dhe befasuar të gjithë.
Një rikthim fantastik i serbit, në formë të mirë, ashtu si dikur, duke lënë të shpresosh se do të jetë pretendent për fitimin e këtij turneu. “Ishte vetëm ndeshja e parë, por jam përgatitur mirë dhe jam në formë. Nëse nuk do të kem shqetësime me krahun, atëherë mund të shkoj larg në këtë turne. Ky është vetëm fillimi”, tha Djokovic.
