Botërori 2021 në Formula 1 do të rezervojë deri në garën e fundit një duel të fortë për titullin kampion mes Lewis Hamilton e Max Verstappen. Gara e parë sezonale në Bahrein e konfirmoi këtë gjë, me dy pilotët që dueluan deri në kthesën e fundit. Hamilton fitoi, por nuk e pati aspak të lehtë ndaj Max, që për një moment e parakaloi, por ky veprim u konsiderua i gabuar dhe holandezi hapi krahun.
“Këto janë situata nga ku një pilot mëson shumë. Max duhet të mësojë shumë nga ajo që ndodhi në Bahrein. Ai e di shumë mirë se për të mposhtur Leëis duhet të jetë i përkryer, të mos gabojë asgjë. Ky sezon nisi mirë për Max, por duhet të ruajë këtë ritëm edhe në garat e ardhshme dhe, mbi të gjitha, makina nuk duhet ta tradhëtojë në momentet delikate”, tha Helmut Marko, konsulent i Red Bull.
