Sot, në Gjenevë të Zvicrës përfaqësues dhe lojtarë të skuadrës së Skënderbeut do të dalin para Komisionit të Apelit për të dhënë dëshmitë e tyre për pretendimin e UEFA-s për trukim ndeshjes. Përvecc Sabien Lilajt dhe Bledi Shkëmbit, sot të pranishëm në seancën që zhvillohet në Zvicër do të jenë edhe Liridon Latifi me Bernard Berishën për të dhënë deklaratën e tyre.
Sipas Gazeta Olle, të dy futbollistët janë kërkuar nga avokati që përfaqëson Skënderbeun, Jean-Cédric Michel i cili ka kërkuar që përpara UEFA-s të ketë sa më shumë lojtarë që të dëshmojnë për dyshimet që kanë inspektorët e UEFA-s për ndeshjet e përfshira në raportet e tyre. Kujtojmë që sot do të zhvillohet vetëm seanca dëgjimore, ndërsa vendimi do të jepet në ditët në vazhdim.
