Përfituat nga gabimi i portierit, por çfarë ju tha trajneri tek goli i dytë?
Goli i parë ishte aksidental, isha me fat aty. Tek goli i dytë, djemtë po më thoshin pasoje në zonë, por këto ditë e kisha provuar në stërvitje, pashë dhe vendosjen e portierit dhe vendosa të provoj drejt portës.
Nesër tifo për Skënderbeun?
Sigurisht, nesër do bëjmë tifo për Skënderbeun. Ka rëndësi të jemi afër Kukësit, dhe të kapim një vend për Evropën.
E keni kritikuar Bregun që nuk provon shumë drejt portës?
Djemtë më thonë gjithmonë gjuaj drejt portës, se e ke gol. Nuk ka rëndësi kush shënon, Bregu apo unë, rëndësi ka të fitojë ekipi.
A është objektiv i juaji golashënuesi i kampionatit?
Është diçka e mirë, për moshën time, të marrësh këtë çmim. Këtë vit kam shënuar 12 gola, por primar është ekipi, dhe jo aq golat e mi.
