Pep Guardiola ka thënë se lejimi i Joe Hart për t’u larguar nga Manchester City, ka qenë vendimi më i vështirë në karrierën e tij.
Trajneri spanjoll me të ardhur në krye të Manchester Cityt, kishte transferuar Claudio Bravon nga Barcelona për të larguar Joe Hart, që u transferua në Serie A te Torino, për t’u rikthyer në Premierligë te West Ham.E pas përballjes me West Hamin në kuadër të xhiros së 36-të të Premierligës, Guardiola ka thënë se vendimi për ta larguar Hartin, ka qenë vendimi më i vështirë në karrierën e tij.
“Ishte vendimi më i vështirë që kam marrë ndonjëherë si trajner, sepse ai ishte një profesionist i pabesueshëm, dhe askush nuk ka dyshime për cilësitë e tij”, ka deklaruar Guardiola në përgjigjen për largimin e Hart nga City.
