Lazio nuk gabon dhe prek Championsin. Pavarsisht dëmtimit të Ciro Immobiles në minutat e para dhe penalltisë së humbur nga Luis Alberto, skuadra e Simone Inzaghit mposhti 1-0 Torinon në transfertë me një gol të mesfushorit serb Milinkovic-Savic në pjesën e dytë duke barazuar Romën në kuotën e 70 pikëve por mbi të gjitha duke e çuar në +4 diferencën nga Interi i vendit të 5-të.
Një fitore me shumë peshë kjo për Lazio që tashmë është më pranë kualifikimit në grupet e Champions League për sezonin e ardhshëm. Një paraqitje tejet pozitive bëri Thomas Strakosha në këtë sfidë me portierin shqiptar që ndali disa tentativa të lojtarëve vendas.
