Huddersfield mbrëmjen e djeshme ka marrë një barazim “historik” 1-1 përballë skuadrës së Chelsea, duke siguruar kështu edhe mbijetesën në “Premier League”.
Në këtë eikp aktivizohet shqiptari 23 vjeçar, Florent Hadergjonaj. Mbrojtësi i djathtë në një postim në rrjetin social Facebook, ka falenderuar tifozët për këtë arritje, që në sezonin e ardhshëm skuadra do të jetë përsëri në elitën e futbollit anglez.
“Ia arritën qëllimit, edhe vitin tjetër do të jemi në “Premier League”. Faleminderit tifozëve për mbështetjen”.Në ndeshjen e fundit në kampionat Huddersfield do të presë në shtëpi skuadrën e Arsenal.