Mattia Perin është një alternativë konkrete e Juventusit. Bardhezinjtë kanë nisur kontaktet e para për portierin që aktivizohet te Genoa, i cili shikohet si zëvendësuesi i Szczesny, pas lamtumirsës së Buffon. Sipas mediave italiane, administratori Marotta do të takohet zyrtarisht me presidentin Preziosi gjatë javës së ardhshme për sa i takon së ardhmes së portierit.
“Zonja e vjetër” është gati të shpenzojë 12 milionë euro për lojtarin, por Genoa e ka bërë të qartë se nuk e shet lojtarin për më pak se 20 milionë euro. Në rast se Juventusi nuk arrin te 25-vjeçari, që ndiqet edhe nga Napoli do të synojë Marchettin.