Christian Abbiati, menaxheri i Milan, ka folur për mikrofonët e “Premium Sport” për Gigio Donnarumma. “Me shumë mundësi, gjatë momentit të rinovimit të kontratës ka pasur shumë rrëmujë në lidhje me Donnarumma. Ai është një djalë i mirë, i ri dhe thesar për klubin tonë. E vlerësojmë shumë.”
Më pas, ish-portieri shtoi: “Ai pritet të jetë titullari i Italisë dhe është vetëm 19 vjeç. Ka luajtur më shumë se 100 ndeshje në Serie A, është një kampion i nivelit më të lartë dhe mund të përmirësohet më tej. Eshtë normale të flitet për gabimet e tij në finalen e Kupës së Italisë kundër Juventus, por asnjëherë nuk duhet të harrojmë sa i ri është.”
