Ka ndodhur diçka e re në “shtëpinë” e Milan në lidhje me shitjen e Gianluigi Donnarumma. Sipas asaj që shkruan “Corriere dello Sport”, Liverpool është gati të nisë sulmin për portierin kuqezi, menjëherë sa të përfundojë finalja e Champions League në Kiev kundër Real Madrid. Megjithatë, këto ditë ka ardhur oferta e tyre e parë, një sondazh: 40 milionë euro…
Kjo shifër është shumë larg asaj të Milan pretendon për 19-vjeçarin, të paktën 70 milionë euro. Kësisoj palët kanë lënë një takim, pikërisht pas finales në Kiev. Ideja është se do të arrihet një rrugë e mesme dhe për 55 ose 60 milionë euro, teksa menaxheri i lojtarit Mino Raiola e ka gjetur prej kohësh marrëveshjen me “të kuqtë”.
