Ose me mua, ose kundra meje. Nëse është kjo e dyta, atëherë mund të bëni gati valixhet. Ky ka qenë thelbi i fjalimit të Jose Mourinho përballë futbollistëve të Manchester United, pas disa paraqitjeve të dobëta të ekipit në fund të sezonit, përfshi edhe humbjen ndaj Chelsea në finalen e Kupës së Anglisë.
Sipas “The Sun”, gjatë fjalëve të portugezit, që kanë pasur si dëshmitar edhe stafin e tij teknik, synimi kryesor ishte t’i kujtonte lojtarëve se objektivi i tij i vetëm ishte të fitonte. Diçka e tillë nuk ndodhi në këtë sezon, ku “djajtë” u renditën në vendin e dytë të Premier League me 12 pikë më pak se City.
Romelu Lukaku ishte një nga futbollistët që u kritikua më shumë nga Mourinho, sidomos për faktin që i tha trajnerit se nuk e ndjente veten në formë për të luajtur që nga minuta e parë. Sipas “Special One” qi ka dashur të kursehet për botërorin, ashtu si shoku i tij Marouane Fellaini, që tanimë nuk ka një kontratë me “djajtë”.
Por mes kësaj stuhie një gjë është e sigurt, portugezi dhe Guardiola me 23 milionë euro në sezon janë trajnerët më të paguar në Premier League, pas tyre me rreth 9 milionë euro në vit është Jurgen Klopp i Liverpool dhe trajneri i ri i West Ham, Manuel Pellegrini.
