Me Naser Alijin në fushë për 90 minuta dhe Azdren Llullakun që e ndoqi sfidën nga stoli, Virtus Entella nuk shkoi më shumë se një barazim pa gola në sfidën e parë play-out përballë Ascolit në Serie B, duke lënë gjithçka të hapur për ndeshjen e kthimit përsa i përket skuadrës që sigurojë mbijetesën dhe ekipit që do të rrëzohet në Lega Pro.
Vendasit ishin disi më kërkues por edhe Ascoli pati shanset e veta në këtë përballje. Një ndeshje pozitive për Naser Alijin i cili i bëri mirë detyrat që i kishte kërkuar trajneri, madje ishte i pafat në minutën e 88-të pasi mund tu kishte dhënë fitoren të tijëve por goditja e mbrojtësit shqiptar u ndal nga shtylla. Tashmë Entella do të kërkojë të sigurojë mbijetesën në Serie B, në takimin e kthimit që do të zhvillohet pas 1 jave në stadiumin e Ascolit.
