Cristiano Ronaldo e do me patjetër këtë trofe të Ligës së Kampioneve. Ajo do ta ndihmojë shumë për të tjerë suksese invidivuale. Por aq shumë e do edhe arkitekti i këtij Liverpool-i të jashtëzakonshëm, trajneri Jurgen Klopp.
Mediet kanë arritur që të kapin momentin kur CR7 dhe Klopp janë përballur në tunelin stadiumit “Olimpik” pak para se të futeshin në fushë. Ylli portugez po e shikonte gjermanin me një shikim sfidues, si për t’i bërë atij presion.
Me të vënë re këtë qëndrim të sulmuesit, gjermani u drejtua nga ai dhe nuk ia ndau sytë deri sa të dy u detyruan të futeshin në fushë për t’u rreshtuar e për tu bërë gati për nisjen e takimit. Mediet spanjolle gjithashtu raportojnë për një episod mjaft të veçantë.
Gjatë nxehjes së ekipeve, tekniku Klopp qëndroi në fushë dhe u përqendrua më shumë tek ekipi i Ralit se sa i tij. Nga mediet spanjolle kjo u konsiderua si një provokim i teknikut të të kuqve. Këtë gjë ai e ka bërë edhe kur ishte pjesë e Dortmund.
