Muhamed Useini është tashmë një lojtar pa kontratë. Mesfushori nga Maqedonia në një prononcim për mediat në vendlindjen e tij është shprehur se ka oferta dhe nga klube të tjera, por në të njëjtën kohë është duke i parë me vëmendje.
Për 29 vjeçarin aventura me Flamurtarin ende nuk ka përfunduar, pavarësishtë përfundimit të kontrats. Prioriteti kryesor për mesfushorin mbetet skuadra nga Vlora.
Kujtojmë që te skuadra e Flamurtarit pritet të ketë një revolucion për sezonin që vjen, pasi administratori Sinan Idrizi ka shkarkuar të gjithë stafin e klubit për shkak të rezultateve të dobëta dhe punës jo të mirë.
