Në vigjilje të takimit miqësor Shqipëri-Kosovë ka folur ish-trajneri i kombëtares kuqezi Astrit Hafizi. I ftuar në ‘super sport’ Hafizi ka deklaruar se Shqipërisë tani i duhet të ndryshojë strategji dhe të mos shpresojë më nga futbollistët shqiptarë me origjinë nga Kosova.
“Në fillim ishte diçka e mirë, por pastaj erdhi e u shtuan shumë në një moment. Kampionati ynë në vitet 2003-2005 nuk prodhonte, se pastaj sikur e mori veten. Edhe këta kishin nevojë se nuk kishin federatën e tyre dhe përfaqësuesen e tyre.
Mendoj se tani ne nuk duhet të promovojmë më lojtarët e Kosovës, të merremi me lojtarët tanë. Dy Kombëtare? Jemi si Mali i Zi me Serbinë, se ata flasin njëlloj, kanë të njëjtat tradita e në fund u ndanë. Mos harroni se ata kanë Federatën e vet, kanë Federatën e Kosovës që tashmë interesohet për ta”, deklaroi Hafizi.
