E gjithë vëmendja e globit po fokusohet ditë pas dite nga eventi madhor i futbollit të kësaj vere. Fjala është për Botërorin e Rusisë, që starton më 14 qershor. Yjet e mëdhenj të botës në këtë sport do të kenë mundësinë të shpalosin vlerat e tyre në fushat e blerta. Mes tyre edhe Leo Messi, pesë herë fituesi i “Topit të Artë”.
30-vjeçari ka fituar gjithçka në karrierë, me Barcelonën, por aspiron një trofe ndërkombëtar me Argjentinën. A do ta ngrejë Kupën e Botës në duar kësaj vere? Kjo mbetet të shihet. Motivimi për të nuk mungon, një komb i tërë janë me sytë nga ai. Madje, për ta motivuar Messin po kujdesen edhe dy djemtë e tij, Thiago dhe Mateo. Ata kanë veshur me fanellën e Argjentinës dhe kanë kënduar këngë tifozërike për kombëtaren e babait të tyre.
