Ferguson nuk beson se rekordi i Wengerit do të thyhet ndonjëherë.
Gjatë ditës së djeshme, Arsene Wenger zhvilloi ndeshjen e 811 në stolin e Arsenalit në Premierligë, duke kaluar trajnerin legjendar të Manchester United, Sir Alex Ferguson (810).
“E përgëzoj Arsene Wengerin për kalimin e rekordit tim, për menaxhimin e 810 ndeshjeve në Premier League”, tha Ferguson.
“Është një arritje fantastike që ka kërkuar standardet më të larta të përkushtimit dhe menaxhimit profesional për ta arritur. Dyshoj se rekordi i tij do të arrihet ndonjëherë”.
“Urime për një karrierë vërtet të shquar dhe shërbim të shkëlqyeshëm në futboll dhe Arsenal FC”, ka shtuar Ferguson.
