Një tjetër sezon i një niveli të lartë me fanellën e Romës. Mbrojtësi grek, Kostas Manolas, do të jetë në qendër të merkatos sa i takon lëvizjes së mbrojtësve në skuadrat e mëdha europiane.
Për të ka ardhur së fundi një ofertë faranike nga Franca, por nuk është PSG-ja që e bën atë. Olimpiku i Marsejës, ekipi që drejtohet nga trajneri Rudi Garsia, i ofron grekut një kontratë prej 7.5 milionë eurosh, si dhe është gati të paguajë klauzolën e 36 milionë eurove për zgjidhjen e kontratës me Romën.
Një ofertë, që në fakt është refuzuar nga Manolas. Për të ka interes të madh nga klube më të mëdha, siç janë Çelsi, Borusia e Dortmundit dhe Juventusi.
