Marco Silva mori zyrtarisht drejtimin e Everton duke pasuar Sam Allardyce në stol teksa nënshkroi për 3 sezone me një pagë të konsiderueshme 5 milionë euro në vit.
Trajneri portugez u shpreh i lumtur për aventurën e re duke siguruar tifozët se do t’i bëjë të lumtur me rezultatet e ekipit. Në Angli shkruajnë menjëherë për merkaton dhe objektivi i parë i trajnerit të ri është William Carvalho, mesfushori i Sporting Lisbon.
26-vjeçari lidhet prej kohësh me një transferim në Premier League dhe ky mund të jetë rasti më i mirë për të.
