Ish-lojtari i Milan-it Nigel de Jong thotë se mbase një ditë ai dhe Xabi Alonso do të jenë në gjendje të pinë një birrë dhe të qeshin për goditjen e famshme kung-fu në Kupën e Botës 2010. De Jong shmangu kartonin e kuq pasi goditi Alonso-n në gjoks, por ish-mesfushori i Holandës insiston se ai i kishte sytë vetëm te topi.
“Doja vetëm të godisja topin – ai ishte fokusi im,” shprehet ai për FourFourTwo.“Nuk e pashë Alonso të më afrohej. Nuk prisja të largohesha me të kuq pasi mendoja se ishte një incident i pafat.
“Isha me fat që ishte një arbitër anglez.“Jemi takuar me njëri-tjetrin dhe kemi folur për atë incident – është thjesht një moment i historisë së futbollit.“Mbase një ditë do të takohemi, do të pimë një birrë dhe do të qeshim për atë moment.”
