222 milionë euro: është kjo shifra që Real Madrid kërkon për Gareth Bale. Kështu që të gjithë janë të lajmëruar, sipas të përditshmes spanjolle ‘Sport’, Los Blancos kanë fiksuar tashmë çmimin e uellsianit, shifër kjo identike me atë me të cilën Paris Saint-Germain bleu Neymar nga Barcelona.
Nuk është një sekret që marrëdhëniet mes Real Madrid dhe Gareth Bale ishin zbehur prej kohësh. E dëshmojnë edhe vetë deklaratat e uellsianit pas finales së Champions League të fituar ndaj Liverpool me dy golat e Bale. Raporti me trajnerin Zidane ishte në minimumin historic dhe largimi i francezit mund të mos ketë ndryshuar asgjë në planin e futbollistit. Por pozicionimi i klubit të Florentino Perez është i qartë: Bale nuk lëviz.
Politika e Los Blancos është ajo që të mos largojë yjet e ekipit ndonëse çështja e lidhur me Cristiano Ronaldo mund të bëjë që gjithçka ta marrë era. Në të vërtetë Galaktikët janë të bindur se mund ta mbajnë të lidhur futbollistin që i dhuroi atyre trofeune trembëdhjetë të Champions League.
