Anglia ka më pak shanse të fitojë Kupën e Botës sesa ekipi i Perusë, sipas kompanisë “Gracenote”, e cila merret me studimin e të dhënave për ekipet pjesëmarrëse në “Rusi 2018”.
Peru është në vendin e 11-të të klasifikimit të FIFA, dy shkallë mbi Anglisë dhe kësisoj ka 5% të mundësive për të triumfuar në Moskë në finalen e 15 korrikut, ndërsa të besuarit e Gareth Southgate kanë 4% të mundësive, të njëjtat me Belgjikën dhe Portugalinë.
Sipas “Gracenote” në majën e favoritëve është Brazili me 21%, ndërsa pas “Selseao” renditjen Spanja, Gjermania dhe Argjentina.
Llogaritë e “Gracenote” bazohet te llogaritja e 1 milionë ndeshjeve të simuluara, te bilanci i ekipeve pjesëmarrëse me njëra-tjetrën dhe te renditje e tyre e FIFA-s.
Kurioz është fakti se ata mendojnë se ekzistojnë 47% e mundësive që Kupën e Botës ta fitojë një ekip që nuk e ka fituar kurrë, ndërsa skuadra që e kanë marrë trofeun më parë e kanë përqindjen 53% për të marrë një tjetër Kupë të Botës.
