Skuadra e Udineses ndërroi 3 trajnerë në sezonin që sapo u mbyll dhe arriti të shpëtojë me shumë vështirësi në Serinë A, vetëm në javën e fundit të kampionatit. Friulianët kanë nisur nga puna për të riparuar defektet dhe për të mos përsëritur më të njëjtat gabime edhe në sezonin e ardhshëm.
Për të nisur një projekt të ri, gjithçka ka filluar me emërimin e trajnerit Julio Velasquez Santiago, që do të pasojë dyshen Tudor-Iuliano, trajnerë që drejtuan skuadrën në 5-6 javët e fundit të sezonit.
Klubi i Udineses ka njoftuar se trajneri i ri do të prezantohet nesër në orën 12:00, ndërsa ka falënderuar edhe dyshen Tudor-Iuliano, për punën e bërë në muajin e fundit të sezonit.
