Mattia Perin është zyrtarisht portieri i ri i Juventusit. Klubi bardhezi lajmëroi ditën sotme arritjen e akordit me klubin e Genoa-s dhe me portierin. Pas vizitave mjekësore me Juven, ish numri 1 i kuqebluve firmosi kontratën që e lidh me kampionët e Italisë deri në 30 qershorin e 2022-it. Klubi i Genoa-s do të përfitojë 12 milionë euro, që do të paguhen në 3 këste, ndërkohë që mund të jepen edhe 3 milionë euro të tjera shtesë në bazë të ecurisë së ekipit.
Gjithashtu klubi bardhezi do të ketë edhe shërbimet e mesfushorit Emre Can. Klubi i Liverpool-it lajmëroi largimin e lojtarit. Kështu që zyrtarizimi me “Zonjën e Vjetër” dhe firma në kontratën e re është vetëm çështje orësh. Ai pritet në Torino për të kryer vizitat mjekësore dhe për të hedhur firmën në kontratë.
