Fabio Capello, ish-trajneri i Juventus dhe Real Madrid, është i punësuar si analist për Mediaset dhe ka folur për krahasimin e përhershëm mes Lionel Messi-t dhe Cristiano Ronaldos si dhe për ndeshjen e fundit të Argjentinës ndaj Islandës.
Skuadra e Sampaolit nuk shkoi më larg se një barazim ndaj islandezëve, dhe Capello ka kritikuar mesfushën argjentinase.
“Messi vuajti presionin e tre golave të Ronaldo-s. Ronaldo kërkonte diçka më të madhe pasi nuk ka shënuar shumë gola në Kupën e Botës.
“Mesfusha e Argjentinës ishte qesharake, e avashtë, gjithmonë duke u munduar të depërtonte nga qendra për t’i dhënë topin Messi-t. Mendoj se Messi është një lojtar më i mirë se Ronaldo, por ekipi i tij nuk po e ndihmon.”
Argjentina është kritikuar për skemat e përdorura, për konfuzion taktik dhe lënien jashtë të Dybala dhe Higuain.
“Dybala është akoma shumë larg Messi-t dhe Ronaldo-s. Ai duhet të përmirësohet në shumë aspekte.”