Japonia ka shfrytëzuar më së miri superioritetin numerik ndaj Kolumbisë duke fituar me rezultatin e ngushtë 2-1 në Mordovia Arena. Ishte një ndeshje me nivel të pëlqyeshëm dhe me një futboll të bukur të shfaqur nga të dyja skuadrat por ajo penallti e minutave të para e ka penalizuar së tepërmi Kolumbinë që luajti thuajse gjithë ndeshjen me një lojtar më pak.
Aftësia teknike është e dukshme dhe goli erdhi pikërisht nga një goditje e zgjuar e Quintero-s nga goditja standarde. Talenti kolumbian godet një top të ulët teksa muri kërcen në ajër duke barazuar rezultatin. Por pas pushimit ishte Japonia që dominoi lojën dhe pas disa mundësive të mira gjen golin nga goditja e këndit falë golit me kokë të Osako. Kolumbia ishte shumë e lodhur për të reaguar dhe duhet ta humbasë këtë ndeshje për faj të kartonit të kuq që e ka kushtëzuar jashtë mase.
