Trajneri i Real Betis, Quique Setien konfirmoi se Fabian Ruiz mund të konsiderohet tashmë një lojtar i Napolit, pasi palët kanë rënë dakort për transferimin e futbollistit në Serinë A për shumën e 30 milionë eurove.
Setien deklaroi se marrëveshja nuk ishte mbyllur më parë pasi pritej vendimi i lojtarit. Pavarësisht arritjes së akordit, Setien pohoi se do të dëshironte që Fabian Ruiz të qëndronte, por me shumën e përfituar nga shitja e tij klubi do të bëjë investime të mëdha në sektorin e të rinjve, çka do të sjellë edhe prurje të reja për ekipin e parë.
