Conte shpreson ta ketë të Chelsea Barkleyn.
Mesfushori i talentuar anglez i Evertonit, Ross Barkley, mund ta veshë fanellën e Chelseat në këtë afat kalimtar. Lajmin tashmë e ka konfirmuar edhe trajneri i Bluve të Londrës, Antonio Conte.
“Sigurisht, po flasim për një lojtar anglez, lojtar të ri, një perspektivë e mirë për Chelsean. Është mundësi e mirë për klubin që ta blejë Barkleyn. Por, e përsëris, është klubi që do të informojë për lajme më të reja”, u shpreh Conte.
“Sigurisht, gjithashtu duhet që lojtari të rikuperohet sa më parë. Ai është i lënduar dhe nuk ka luajtur për shtatë muaj”.
Kartoni i Barkley pritet t’i kushtojë Chelseat 14 milionë funte.