Boksi është një sport burrëror, por janë edhe shumë femra që merren me këtë sport luftarak, madje edhe në vendin tonë.
“Kam rreth 5 vite që stërvitem dhe tashmë e kam kthyer si profesion. E kam nisur me Kickbox. Është një mënyrë e mirë, pasi ka disiplinë dhe mban trupin në formë. Vetëm mustaqet të kanë ngelë pa dalë, më thotë babi”, thotë Joli Sino.
Ndërkohë, Kejsi Fejsolli tregon se është mbështetur nga prindërit e saj për ta vazhduar këtë sport. “Merrem vetëm me boks tashmë edhe pse e kam nisur me karate. Grushtin e kam më të rëndë. Babai më ka mbështetur shumë pasi e ka pasur pasion boksin edhe pse vetë ka qenë shtangist”.
Ndërkohë, Marielana Kaçani, e cila është edhe më e vogla, thotë se fillimi ka qenë i vështirë për të.“Ka qenë pak e vështirë në fillim. E kam pasur fiksim dhe kam vazhduar”.
