Në çdo Botëror do të ketë një dozë çmendurie që hyjnë sigurisht në kuriozitetin më absurd të edicionit rus. “Harry Kane 90+1” është shkrimi që një tifoz anglez ka zgjedhur që të bëjë tatuazh në të pasme duke iu referuar golit të sulmuesit të Tottenham që shënoi në kohën shtesë në takimin që “Tre Luanët” e fituan kundër Tunizisë me rezultatin 2-1.
“E kisha thënë që në rast të golit do të derdhja një birrë mbi kokën time. Dhe më pas vendosa që të bëj një tatuazh, nuk pendohem”, ka shpjeguar Sean duke konfirmuar se nuk ishte një gjest i diktuar nga një situatë momentale. Një gjë është e qartë, ky Botëror nuk mund të harrohet kurrë.
